Trendët vjeshtore për thonj

Kur i paramendojmë trendët e bukurisë dhe risitë në sezonin vjeshtor, njëra ndër gjërat e para që gjithmonë na bien ndërmend, janë ngjyrat për thonj,transmeton Gazeta Kosova Sot.Vjeshta është ai sezon i vitit në të cilin thonjtë tanë vijnë më së shumti në shprehje, ku vlen rregulli, sa më errët, aq më mirë.

Ja nuancat më të mira për thonj gjatë vjeshtës.

Nuancat e buta metalike

A e dini se cila nuancë do të shkonte më së miri me çantën tuaj të preferuar vjeshtore? Ngjyra e bronztë metalike.
E gjelbra e errët

E gjelbra e errët është njëra nga nuancat e rralla që karakterizojnë periudhën kalimtare – edhe pse është një ngjyrë tipike vjeshtore, ajo përshtatet për mrekulli edhe me tenin e bronztë veror.

E kaltra e mbyllët

E kaltra e kobaltit ju duket paksa e tepërt gjatë vjeshtës? Provoni diçka me tone më të errëta.

E hirta e hijshme

E hirta është njëra ndër nuancat më të popullarizuara të llakut të thonjve për vjeshtë. Është e përkryer për të gjitha femrat të cilat nuk i preferojnë ngjyrat e theksuara, por që duan paksa të largohen nga tonet neutrale.

E kuqja terakota

Llaku i kuq për thonj është “in” gjatë tërë vitit, por një nuancë më e errët e së kuqes-gështenjës, thjesht është e bërë sikur për vjeshtë.

Ngjyra e errët e kumbullës

Nuk ka asgjë më të bukur sesa nuanca e errët e kumbullës në thonjtë e shkurtër. Ideale për punë, por edhe për dalje me shoqet.

E zeza me xixa

Për të gjitha adhurueset e xixave, nuanca e errët me xixa nuk do të duket as tepër fëmijërore, e as tepër e errët.