Home

Piperi i zi edhe në rutinën e bukurisë

piperiPiperi i zi është njëri nga erëzat më të përdorura në receta të ndryshme, megjithatë, një gjë që mund ta mos e keni ditur është që, përveç përdorimit në ushqime, piperi i zi ka përdorim të gjerë edhe në rutinën e bukurisë.

Më poshtë ua kemi sjellë disa nga përdorimet e tij , transmeton gazeta Kosova Sot.

HUMBJA E PESHËS

Piperi i zi është i njohur për përmirësimin e metabolizmit. Ai ndihmon edhe në djegien e kalorive dhe reduktimin e yndyrës së akumuluar në trup, veçanërisht në zonën abdominale. Për këtë arsye, piperi i zi është i mrekullueshëm për të gjitha femrat që mundohen të humbin peshë. Konsumimi i të paktën një lugë çaji piper të zi çdo ditë mund të ndihmojë në tretje dhe reduktim të problemeve me stomakun.

ELIMINIMI I RRUDHAVE

Piperi i zi përmban sasi të lartë të antioksiduesve që ndihmojnë në mbrojtjen e lëkurë nga simptomat e plakjes së parakohshme. Andaj, në vend se të shpenzoni para të majme në produkte për kujdes ndaj lëkurës, shtoni më shumë piper të zi në dietën tuaj.

LARGIMI I QELIZAVE TË VDEKURA TË LËKURËS

Ndonëse është i djegës, piperi i zi nuk e ka këtë efekt kur aplikohet në lëkurë. E tëra që duhet të bëheni është të tregoheni e kujdesshme dhe ta mos e aplikoni atë në afërsi të syve. Piperi i zi është i shkëlqyeshëm për eliminimin e qelizave të vdekura të lëkurës dhe për përmirësimin e qarkullimit të gjakut. Kjo gjë ndihmon në përmirësimin e absorbimin e oksigjenit nga ana e lëkurës.

TRAJTIMI I ZBOKTHIT

Piperi i zi ndihmon në largimin e baktereve nga lëkura e kokës që shkaktojnë zbokthin. Thjesht përzieni një lugë çaji piper të zi me 200 mililitra gjizë. Përzierjen e fituar aplikojeni në lëkurë të kokës dhe lëreni në kontakt me lëkurën për rreth një gjysmë ore. Pastrojeni lëkurën e kokës me ujë të vaktë. Sasia e tepërt e piperit të zi mund të shkaktojë irritim të lëkurës, andaj duhet të tregoni kujdes gjatë krijimit të maskës.

SHKËLQIMI NË FLOKË

Përzierja e një luge çaji piper të zi dhe një lugë çaji farave të limonit krijon një maskë të shkëlqyer për flokët. Piperi i zi dhe farat e limonit ua kthejnë gjallërinë dhe shkëlqimin flokëve tuaj. Thjesht, aplikojeni përzierjen në flokë dhe lëkurë të kokës dhe lëreni për pesëmbëdhjetë minuta. Përfundimisht, pastrojini flokët me ujë të ftohtë.