Ngjyra e vetullave, sipas ngjyrës së flokëve

Ngjyra e gabuar e vetullave mund ta prishë gjithë dukjen.

Padyshim që shikoheni në pasqyrë dhe e vëreni se diçka nuk është në rregull, shtoni më shumë pudër- as kjo, tjetër ngjyrë të shkëlqyesit për buzë- njëjtë… në fakt, janë vetullat ato që prishin dukjen, sepse ngjyra e tyre nuk i përshtatet tenit dhe flokëve tuaja.

Flokët e errëta
Nëse keni flokë shumë të errëta, ngjyra e vetullave ka nevojë për dy nuanca të çelëta. Për të çelur vetullat duhet të vendosni pak pudër ose disa tone më të ndritshme të hijes- p.sh. bezhi ose e kafe e çelët.

Flokë të çelëta
Të kundërtën e atyre me flokë të errëta duhet ta bëjnë ato femra që mbajnë flokë më të çelëta. Zgjidhni hije ose laps me nuancë pakëz më të errët se ngjyra natyrale e vetullave tuaja, dhe në këtë mënyrë do t’i shprehni. Megjithatë, kini kujdes që vetullat të mos jenë shumë të errëta, sepse mund ta çrregulloni harmoninë e fytyrës.

Si të ngjyrosni vetullat
Para se të vendosni t’i ngjyrosni vetullat, ndukni ato. Nëse përdorni hije, kujdes që të mos jetë i ndritshëm. Duhet të mundoheni që vetullat tuaja të duken sa më natyrshëm. Po ashtu, qoftë nëse vendosni hije ose pudër, kujdesuni që gjatë vendosjes të mos krijoni linja, sepse do t’u duken vetullat sikur t’i keni vizatuar.