Në trend grumbullimi i flokve në majë të kokës

Lajme të shkëlqyeshme për ato femra dhe ato zonja që pëlqejnë spontanitetin dhe dëshirojnë që gjithçka të mbajnë “nën frerë”.

Po ashtu, do të gëzohen edhe ato që gjithmonë janë për ngut apo janë dembele për ta rregulluar stilin e flokut. Bëhet fjalë për grumbullimin e flokut, ndërsa që tani ju shpalosim disa këshilla dhe ide, transmeton gazeta Kosova Sot.

GRUMBULLIMI I LARTË I FLOKUT

Grumbullimi i flokut në majën e kokës është ajo që më së shumti po pëlqehet. Përpos se mund ta mbani gjatë ditës, është stil ideal edhe për rastet e mbrëmjes. Lozni pak dhe vendoseni ashtu që të duket sikur nuk e keni bërë. Natyrisht, ndonjë fillesë që ka rënë nga struktura është e mirëseardhur.

GRUMBULLIMI I ULËT I FLOKUT

Kapni flokun dhe lidheni në grumbullim të lartë, por më të qetë. Ky variant është super seksi dhe i përshtatshëm për efektin e grimit “smokey eye”. Natyrisht, edhe gjatë ditës mund ta aplikoni. Mos u ngarkoni nëse gjithçka është në rregullin më të mirë, sepse nuk duhet të jetë. Lidheni flokun nëse e keni më të lehtë dhe ky mund të jetë kombinimi fitues.

FLOKU GJYSMË I GRUMBULLUAR

Lidhni fundin e flokut në grumbullim të vogël ose lidhni flokun në majë të kokës. Të dy variantet janë shumë interesante, “cool” dhe janë në trend. Shpresojmë se këto stile të flokut ju kanë inspiruar dhe do të ndiheni më të qeta, së paku kur stili i flokut është në pyetje.