Ja cilat janë të mirat e kripes

Ja disa nga problemet shëndetësore që kripa i shëron :

– Alergjia dhe pezmatimi i sinuseve: Njerëzit të cilët kanë probleme me sinus kronik apo alergji pranverore duhet gjithsesi të rrisin sasinë e kripës që do të ndihmojë ata të lehtësojnë problemet e bllokimit të hundës, për shkak se është zgjidhje ideale për pezmatimin e mukozës. Në tre decilitra ujë të vluar, shtoni një lugë të vogël të kripës. Kur lëngu të ftohet, me anë të shiringës e futni në hundë dy herë në ditë. Në fillim do të jetë një ndjenjë pak e pakëndshme, por pas disa ditësh do të mësoheni kur të ndjeni përmirësim. Këtë gjë duhet ta bëni derisa mos të largohen të gjitha problemet me të cilat përballeni.

– Dhimbje të fytit: Ne të gjithë e dimë se si dhimbja e fytit mund të jetë irrituese dhe ngacmuese, prandaj për të reduktuar dhimbjet në fyt bëni gargarë disa herë në ditë me ujë të njelmët. Në 2 decilitra ujë shtoni një lugë çaji kripë dhe e përzieni derisa kripa të shkrihet. Gargarë duhet të bëni për disa ditë me radhë edhe nëse dhimbja t’ju ketë kaluar, në mënyrë që ta parandaloni dhe të mos rikthehet.

– Mishrat e ndjeshëm me gjakderdhje: Shumë persona kanë probleme me mishrat e ndjeshme nga të cilët zakonisht rrjedh gjak, gjë e cila më vonë mund të çojë në dëmtime serioze, ose në rastin më të keq të sëmundjes periodontale. Si një masë paraprake, bëni një zgjidhje për të shpërlarë gojën pas çdo pastrimi të dhëmbëve. Një lugë çaji kripë e shtoni në një decilitër ujë. Kjo shërben vetëm për të pastruar gojën dhe pastaj e pështyni atë, shkruan Zëri.

– Këmbët e fryra: Dhimbja dhe ënjtjet në këmbë janë bërë pothuajse jeta e përditshme e të gjithëve. Pas një dite të lodhshme në punë, për të zgjidhur këto pasoja të pakëndshme, ideale do të ishte për të përgatitur një dush për këmbët. Në ujë të nxehtë shtoni katër lugë kripë dhe disa pika të vajrave thelbësor; eukalipt, livando ose nenexhik dhe pastaj këmbët vendosni në ujë dhe mbani rreth 15 minuta.

– Dhimbje dhëmbi: Dhimbja e dhëmbit mund të jetë e herëpashershme, prandaj për të lehtësuar dhimbjen në mënyrë natyrale, është e nevojshme që të shpëlani gojën me masën e bërë nga një dl ujë të ngrohtë dhe shtoni në të dy lugë uthull dhe një lugë çaji kripë. Mbani në mend se kjo është vetëm një zgjidhje e përkohshme para se të vizitoni dentistin.