Gërshetat ndarës në trend

Gërshetat ndarës, bëjnë pikërisht atë që emri i tyre thotë: qëndrojnë pikërisht aty ku është apo ku duhet të jetë vija ndarëse e flokëve.

Ky trend fantastik, duket se është kthyer në fiksimin e ri të flokëve të personazheve të njohura, duke qenë se po i shohim gjithnjë e më shumë.

Gërshetat nuk dalin nga moda, ndoshta edhe për shkak se janë të llojllojshme dhe mund të jenë të buta dhe romantike, apo tërësisht të ‘trenta’ dhe rokere.

Mu për këtë shkak, shumë stilistë të njohur shpesh i përdorin në pista të modës – për ta gërshetat janë metaforë për gruan moderne – e cila sipas nevojës mund të jetë romantike dhe delikate, apo tërësisht e egër dhe e parregulluar.