Frenoni peshën e tepërt me kakao

Edhe pse është përbërësi kryesor i çokollatës, kakao shpesh ndërlidhet me peshë të tepërt, por studimet tregojnë se e vërteta është larg nga kjo.

Sipas një studimi është dëshmuar se ekstrakti i kakaos dhe procianidinët që përmban fara e kakaos frenojnë një shumëllojshmëri të enzimeve të traktit digjestiv, transmeton “Zëri.info”.

Falë këtij kapaciteti, autorët e studimit konsiderojnë se antioksidantët nga kakao në kombinim me një dietë me pak kalori mund të jetë një ndihmë e vlefshme në menaxhimin e peshës.

Mirëpo, ekspertët e ushqimit sugjerojnë që konsumimi i kakaos duhet të bëhet me sa më pak sheqer, pasi sheqeri i tepërt ia humbë vlerat kakaos. Ata sugjerojnë pijet nga kakao, të cilat duhet të pihen të nxehta, por gjithashtu edhe të ftohta, pasi dobitë nga kjo janë gati të njëjta.