Disa këshilla për lëkurë të yndyrshme

Disa këshilla për lëkurë të yndyrshme Lëkura e yndyrshme është problem i madh dhe është vështirë të gjendet ndonjë trajtim që i përshtatet, e nuk ka edhe aq shumë këshilla si për lëkurë të tharë

1. Një herë në javë i bëni piling fytyrës, në mënyrë që nga ajo t’i hiqni të gjitha qelizat e vdekura të lëkurës.

2. Shmangini mjetet për pastrim të fytyrës me bazë të alkoolit. Ato e thajnë shumë lëkurën e fytyrës saqë mund të ndjeni shtrëngimin e saj.

3. Gjithmonë zgjidhni kremra për kujdes ndaj lëkurës me bazë të ujit. Lëkura juaj do të jetë mjaftueshëm e hidratuar dhe nuk keni nevojë të brengoseni se a do t’i mbyllë poret tuaja.

4. Me vete gjithmonë mbani peceta për absorbim të yndyrës. Mund t’i përdorni madje edhe mbi grim.

5. Pecetat e zakonshme nga letra që absorbojnë mirë do t’ju ndihmojnë që pas dushit nga fytyra ta hiqni yndyrën para se në të ta aplikoni kremin, transmeton gazeta Kosova Sot Online.

6. Për ndihmë shtesë gjatë zgjidhjes së problemeve me lëkurë të yndyrshme do të shërbejnë kombinimet që mund t’i bëni në shtëpi.

7. Maska nga sheqeri dhe veza

E heq për mrekulli yndyrën nga lëkura dhe pastron poret. E përzini një vezë me sheqer dhe aplikojeni në fytyrë. Kur e hiqni maskën nga fytyra, dallimi në sasi të yndyrës para dhe pas do të jetë i dukshëm.

8. Maska nga portokalli dhe të verdhët e vezës

Një herë në javë e përzini pak të verdhë të vezës me pak lëng natyral të portokallit. Këto dy gjëra janë luftuese të shkëlqyeshme kundër lëkurës së yndyrshme.

9. Ekzistojnë pudra për fytyrë që e absorbojnë yndyrën dhe në mënyrë të përkryer mbulojnë të gjitha mangësitë, veçanërisht aknet. Blijeni një nga ajo kategori.