Dieta e Hollivudit

Fytyrat e bukura që i shohim nëpër revista gjithmonë mundohen që të duken sa më bukur që munden, prandaj shpesh provojnë dieta të pazakonta. Hiti momental në Hollivud është “Plani M” – dieta me kërpudha.

Kjo dietë zgjat vetëm 14 ditë, premton humbjen e dhjamit nga stomaku, fundshpina, duart, por jo edhe nga gjoksi. Shujtën me kërpudha duhet ta hani vetëm një herë në ditë, e rezultatet janë të mahnitshme, transmeton gazeta Kosova Sot.

Nutricistët theksojnë se kërpudhat janë të pasura me nutriente, e nëse konsumohen më shumë kërpudha, gjatë ditës më pak do të konsumojmë ushqime me shumë kalori. Kërpudhat përmbajnë edhe shumë proteina e pak kalori, vitamina B, hekur dhe zink, që bëjnë mrekullinë me flokun, lëkurën dhe thonjtë.

OMËLETË ME KËRPUDHA DHE SPINAQ, PËRBËRËSIT:

Vaj 2,5 dl; Të bardhët e vezës; 50 g spinaq; Gjysmë kokë qepë të kuqe; 5 kërpudha; Erëza bimore; Kripë dhe piper. Përgatitja: Në tigan hidhni pak vaj dhe ngadalë e skuqni qepën derisa të zbutet. Shtoni kërpudhat, spinaqin, erëzat bimore, kripën dhe piperin. Perimet e ziera hiqni nga tigani. Në të njëjtin tigan shtoni edhe pak vaj dhe e ngrohni. Në të bardhët e vezës shtoni edhe pak erëza bimore, kripë dhe piper. Përzien mirë. Të bardhët e derdhni në tigan, e para se të jetë gati, nga anash shtoni dhe perimet.