Bizhutë e dasmës

Nëse e keni zgjedhur fustanin e nusërisë, është koha të mendosh për aksesorët; cilat buzhu do t’i shkonin modelit të fustanit, flokëve dhe tipit tuaj.

E dimë që bizhutë me diamante, perla apo punime të tjera të bukura janë gjithmonë joshëse, por specialistët e modës sugjerojnë të mos teprohet me ngarkesën e stolive në ditën tuaj më të bukur.
Ja 4 hapa të thjeshtë si të gjesh bizhunë e duhur;

1- Përshtasni bizhunë me fustanin

Fustan i bardhë: Ngjyra e arit mund të krijojë një kontrast të bukur me ndriçimin e të bardhës. Ne sugjerojmë perla dhe platin.

Fustan i bardhë- argjend: Kjo ngjyrë shkon me bizhu ari dhe argjendi (ose ar me perla).

Fustan pana: Kjo hije e butë që e lehtëson të bardhën në disa versione ngjyrash, nga roza tek e verdha, zbukurohet me bizhuteri ari për të nxjerrë në pah ngjyrën e butë.

2-Mos harroni dekoltenë tuaj

Fustani bust: Për të qenë e veçantë hiqni dorë nga gjerdani dhe përqendrohuni tek një palë vëthë të mëdhenj. Mund të jenë kristal, ose gurë të çmuar ose me ndonjë lule që shkon me buqetën tuaj. Mos i lini vetëm vëthët, por vendosni një byzylyk.

Fustan me jakë V: Ky stil lutet për dekorimin e dekoltesë. Një zinxhir i hollë me një varëse të thjeshtë është një mënyrë elegante, ose perla që sjell bukuri klasike. Varësja mund të shoqërohet me vëthët e saj

Fustan i mbyllur në qafë: Me këtë model të lidhur rreth qafës sugjerojmë bizhu në flokë dhe vetëm një palë vëthë kristal ose me gurë të çmuar.
Sugjerim nga Penelope: Varsja N3189 (15,000 All) –> Argjend 925, Perle e kultivuar, Kubik zirkoni

3-Përdor bizhutë e përjetshme

Kur je në dyshim, mendo rregullin bazik: Bizhutë e përjetshme; një palë vëthë diamant me një gjerdan të sofistikuar, perla ose një varëse diamanti.

4-Bëhu vetvetja!

Kuptoni se zgjedhja e bizhuve është reflektimi i dëshirës suaj të brendshme. Dashurohuni me pamjen tuaj dhe zgjidhni atë që ju keni më për zemër. Çdo aksesor do të jetë në funksion të shkëlqimit tuaj të garantuar sepse jeni nusja!